2017 წლის 21 თებერვლიდან ოლიმპიურ გაკვეთილებს ასევე წარუძღვება გიგა გუმბერიძე. ამიერიდან "გახდი ოლიმპიელი 2016-ის" გამარჯვებულებს ოლიმპიური გაკვეთილები ჩაუტარდებათ კვირაში ორჯერ.

2017 წელს ირაკლი გოგიამ და რატი გელაშვილმა ოლიმპიური გაკვეთილების სასწავლო პროცესი განაახლეს. შეგახსენებთ, რომ რატი გელაშვილი მათემატიკის მსოფლიო ოლიმპიადის ოქროს მედალოსანია. ამავდროულად რატი ოლიმპიელ მათემატიკოსთა კავშირის ერთ-ერთი დამფუძნებელი და მასაჩუსეტსის ტექნოლოგიური ინსტიტუტის დოქტორანტია. პატარა ოლიმპიელები განსაკუთრებით ელოდებოდნენ რატის მასტერკლასს, მან საქართველოში არც თუ ისე დიდი ხანი დაჰყო, თუმცა მისი დროის გარკვეული ნაწილი სწორედ რომ ბავშვებს დაუთმო.